Panalangin Ng Bayan 95zy

PANALANGIN NG BAYAN PARI: Ang pag-akyat sa langit ng mahal na Birheng Maria, ina ng Diyos ay patuloy na nag-aanyaya na balang araw siya’y ating makakapiling din kung tayo’y taso puso at handang tumugon sa tawag ng Panginoon. Sa bawat panalangin ating sambitin… Ama, dinggin mo ang aming panalangin. 1. Para sa mga namumuno ng ating Simbahan lalong-lalo na ang ating Santo Papa na si Francisco, mga Obispo, pari at diyakono at lahat ng mga relihiyoso’t relihiyosa nawa’y maging isang modelo at instrumento sa patuloy na pagpapalaganap ng ating pananampalatayang katoliko sa buong mundo. Manalangin tayo… 2. Para sa ating Gobyerno lalong lalo na ang ating Pangulo nawa’y manatili siyang tapat sa kanyang mga pangako at patuloy na maglingkod upang sa gayon ay mapanatili ang tuwid na daan para sa ikakaunlad ng ating bayan. Manalangin tayo… 3. Para sa ating mga Pamilya, kamag-anak at mga kaibigan nawa’y ang pagmamahal sa Diyos at kapwa ang siyang maging pangunahing tungkulin ng bawat isa dito sa mundo. Manalangin tayo… 4. Para sa banal na Bokasyon nawa’y sa pamamagitan ng Banal na Espiritu maging bukas nawa ang busilak na puso ng mga kabataan ngayon at nang sa gayon ay tumugon sa tawag ng butihing Panginoon. Manalangin tayo… 5. Para sa mga may sakit nawa’y madama nila ang nag-uumapaw na pagmamahal ng Diyos sa pamamagitan ng mga taong nag-aaruga sa kanila lalong-lalo na ang kanilang sariling mga pamilya. Manalangin tayo… 6. Para sa ating lahat na nagtitipon ngayon sa Banal na Eukaristiya nawa’y lumago tayo sa ating buhay pananampalataya at sa pagmamahal sa Diyos ayon sa halimbawa ng Birheng Maria. Manalangin tayo… 7. Para sa mga minamahal nating mga yumao nawa’y patawarin sila sa kanilang mga kasalanan at patuluyin ng Mahabaging Ama kasama ng mga banal sa langit. Manalangin tayo… PARI: Ama naming nasa langit dinggin N’yo ang panalangin ng iyong bayan. Basbasan N’yo po sila sa bawa’t gawain at anumang pagsubok na darating. Upang madama nila na ikaw ang Panginoong butihin at lagi nilang kapiling. Hinihiling namin ito sa ngalan ng iyong anak na si Hesus. Amen.