Kabataan Ang Bagong Juan Sabayang Pagbigkas 15 2c4f6b

Pamantayan sa Madamdaming Sabayang Pagbigkas Panuntunan: 1. Bukas ang paligsahan sa lahat ng mag-aaral sa ikatlo at ikaapat na taon. 2. Inaasahang ang bawat kalahok ay binubuo ng 20-25 na miyembro (dalawampu hanggang dalawampu’t lima). 3. Isang piyesa lamang ang gagamitin sa sabayang pagbigkas. 4. Iminumungkahing kumuha lamang ng tagapagsanay sa loob ng eskwelahan. 5. Pinahihintulutan ang paglalapat ng himig, tunog o awitin at ang pagkakaroon ng koryograpi. 6. Mahalaga sa sabayang pagbigkas ang tinig, bigkas, pormasyon, blaking, ekspresyon, imahinasyon, interpretasyon, damdamin, tamang pagbigkas at larawang-diwa. 7. Maglapat ng sariling sining. 8. Pito hanggang sampung minute lamang ang oras ng pagtatanghal ng sabayang pagbigkas. 9. Bawat lalabis na minute ay kabawasang isang puntos na tatamuhin mula sa hurado. 10.Tatanggapin ang anumang kasuotang angkop sa pyesa ng sabayang pagbigkas. 11.Final ang desisyon ng hurado. KRAYTERYA: I.

II.

III.

INTERPRETASYON----------------------------------------------------------------------------------60% a. Orkestrasyon ng tinig …………………………………………………………………...30% (Pagkakahalo-halo,pagkakasabay-sabay, pagbuo, lakas, taginting, Tempo, uri ng tinig at kaangkupan sa diwa ng piyesa) b. Koryograpi (kilos, galaw, kumpas,blaking) …………………………………….15% c. Kaangkupan ng ekspresyon ng mukha……………. …………………………….15% SANGKAP NA TEKNIKAL----------------------------------------------------------------------------15% (kaangkupan ng pag-iilaw, tunog at awitin) Panghikayat sa madla-------------------------------------------------------------------------------25% a. Katauhan/personalidad……………………………………………………………… ….10% b. Hikayat…………………………………………………………………………………… ……….5% c. Kasuotan………………………………………………………………………………… ………10%

Inihanda ni:

TOTAL:

G. Chandi Santos Pinagtibay ni: Edelwiza L. Cadag

Kabataan ang bagong Juan G. CHANDI T. SANTOS Sulong pa Juan magsanay ka pa Patibayin ang katawan, tuhod at paa Ipadyak sa kanan at sa kaliwa Pati ang balakang paikut-ikutin mo pa. Sulong pa Juan sa pag-eensayo Tularan mo ang pambansang kamao Gilas Pilipinas panlaban ay puso Ipinagmamalaki sa buong mundo. Sulong pa Juan hasain ang isipan Hamon ng buhay ay pinaghahandaan Bawat desisyon ay pinag-iisipan Wastong kaalaman sadyang kailangan. Kung nagkamali ka sa iyong nakaraan Dapat iwasto huwag pabayaan Muling bumangon at paghandaan Laban Juan para sa kinabukasan. Ipakita mo ang malakas mong katawan Ipamalas mo ang matalas na isipan Iparamdam mo ang puso para sa bayan At buong tapang na sambitin, Kabataan ang bagong Juan! (Pagmamartsa) Pugay kamay…..Na… Kaliwa, kaliwa, kaliwa, Kanan , kaliwa, kanan, kaliwa Kaliwa, kaliwa, kanan Kaliwa, kanan, kaliwa! (Inaasahan ang paglikha ng chant, musika, dayalogo o karagdagang saknong na magpapakita ng kahandaan ni Juan.) Saan ba nagsanay iyan si Juan? Napakahusay ng kanyang paaralan Kitang-kita kanyang kahandaan May determinasyon sa layang kamalayan! Handa na si Juan, handa na ang kabataan

Handa na kaming mga pag-asa ng bayan Handa na ang katawan, puso’t isipan Handa ng tumulong sa mga mamamayan. (Magsagawa ng maigsing skit o dula-dulaan na magpapakita ng mga eksena sa bagyong Yolanda.) Ganito si Juan sa oras ng sakuna Pagiging bayani ay sadyang makikita Tutulong sa abot ng makakaya Handang maglingkod at damayan ang kapwa. Natuto na si Juan sa bagyong Yolanda Kapag may anunsyo at mga balita “May malakas na bagyong parating, tayo’y magsilikas na” Agad na kikilos at makikinig na. Handa na rin si Juan magpahayag ng katotohanan Magsabi ng totoo alang-alang sa kabutihan Hindi bulag, bingi’t pipi sa nasaksihan Hindi papayagang magtagumpay ang kasamaan. Itigil na ang bangayan at siraan Sapagkat maitutulong ang awayan Sisirain niyan ang magandang samahan Hindi matatanaw ang magandang kinabukasan. Kabataan ang bagong Juan… Ikaw ang magsusulong sa tayog ng karangalan. Na pinagbuklod ng mga ninunong kapatiparan… Pagkat taglay mo ang dugong katapangan… Nila Emilo Jacinto at Andres Bonifacio. Padyak sa kanan para sa kabayanihan.

Padyad sa kaliwa para Kasaganaan… Sulong, sulong, sulong….para sa sambayan… Sapagkat Kabataan ikaw ang bagong Juan!

Paalala sa mga Kalahok: 1.Ito ay Madulang Sabayang Pagbigkas. 2.Maaaring langkapan o lumikha

ng musika, chant, rap at iba pa na magbibigay buhay sa piyesa. 3.Maaari rin lagyan ng dayalogo at dagdagan ang mga linya o saknong. Iugnay ito sa pamagat. 4.Siguraduhin na ang pagtatanghal ay tatagal lamang ng 10-15 minuto.