Abogasya Intro 5i4y59

Ang abogasya ay isang legal na propesyon kung saan pinag-aaralan ang sistema ng mga patakaran at alituntunin ng gobyerno ng isang bansa. Ang mga batas ay ginagawa ng gobyerno, partikular na ng mga mambabatas. Ito ang humuhugis sa pulitika, ekonomiya, at lipunan na nagsisilbing tagapamagitan ng relasyon sa pagitan ng mga tao. Ito ang nagsisilbing kalansay ng ating lipunan sapagka’t ito ang kumokontrol sa ating mga ginagawa, kelan ito ginagawa, at paano it gagawin. Alam naman natin na masama ang magiging bunga kapag linabag natin ang mga batas na ito. Maari tayong makulong kung pinili natin itong labagin. Pero naiisip niyo ba ang mundo na walang batas o kaparusahan na pumapaligid dito? Mahalaga ang batas sa ating lipunan sa pagka’t ito ang susi para mapanatili ang kaayusan at kapayapaan sa mundo. Kung wala ito, maaring dumami lalo ang kaso ng pagpapatayan dahil sa di pagkaka-unawaan, ang mga tindahan at bangko ay nininakawan na, ang mga kababaihan at kabataan ay ginagahasa, at iba pa. May mga prinsipyong kailangan gumabay sa atin upang maiwasan ang mga pinsalang maaring maganap. Kapag alam ng tao na hindi sila masasampahan ng kahit ano, itituloy lang nila gumawa ng mga masasamang bagay. Tuloy tuloy lang sila sa pag-gawa nito dahil alam nilang libre silang gawin ang kahit anong gusto nila. Ang paghihiganti ay iiral lang nang iiral dahil sa mga kaganapang pwedeng mangyari. Kung walang mga panuntunan para sa mga taong sundin, pati ang pinakamaliit na bagay na iyong gawin, ay may epekto sa buong mundo. May “chain reaction” na nangyayari dahil walang nagsisilbing gabay sa tao upang paano tamang mamuhay. Sa huli, tayong lahat rin ang mananagot. Diyan lumilitaw ang importansya ng abogasya. Ang mga abogado ay tumatayong instrumento para ang hustisya ay laging magtagumpay. Kaya’t kailangan ng bansang ito ng mga kompetenteng mga indibidwal na magbabalik ng kaayusan ng lipunan. Ngunit, hindi din ganun kadali ang pumasok sa propesyon na ito. Pagkakuha mo ng kursong ito sa kolehiyo, kailangan mo pang pumasok sa paaralan ng abogasya. Pagkatapos pa noon tiyaka ka pwedeng gumuha ng tinatawag nilang Bar Exam. Bawa’t taon ay libo libong tao ang kumukuha nito ngunit iilan lang ang nakakapasa. Kapag pinasa mo itong pagsusulit na ito, isa ka nang ganap na abogado. Ang pagiging abogado ay may kasamang mga responsibilidad na kailang paghandaan. Nasa kamay ng isang abogado ang hustisya. Nasa sa kanya kung ang mga pinaglalabaan ba niya ay patungo sa direksyong tama at tapat. Ang pagiging abogado ay isang pribelehiyo at isang trabahong kailangan ng dedikasyon at pagmamahal. Hindi mo kailangang tahakin ang landas ng pag-aabogasya kung hindi naman talaga ito ang iyong ninanais. Dapat sana’y maintindihan ng bawat isa na ang legal na sistema ang tanging paraan para masiguradong nirerespeto ng lipunan ang bawat. Kapag walang abogasya, hindi gagana ng epektibo ang mundo. Kasamaan ang mananaig at ayaw natin iyon maipasa sa susunod na henerasyon. Importante ang batas para masigurado natin ang kaligtasan natin. Ang lahat lang naman na ito ay para sa ating kabutihan ng bawat tao sa isang lipunan